Boksieri kanadez David Lemieux, ish-kampion bote në peshën e mesme në kategorinë IBF, është detyruar të zhvishet nudo para duelit që do të zhvillojë mëngjesin e nesërm ndaj britanikut Billy Joe Sanders. Kanadezi u detyrua të heqë edhe mbathjet për të arritur peshën e lejuar në prag të këtij dueli, që është i vlefshëm për titullin kampion bote të peshës së mesme, por këtë herë për kategorinë WBO.Kjo sfidë do të zhvillohet në Quebec të Kanadasë, në shtëpinë e Lemieux, që kaloi një siklet të madh për të arritur peshën e lejuar.
Ky moment krijoi jo pak tension në sallë, madje pati fërkime verbale edhe mes dy boksierëve, me Saunders që përdori fjalë fyese karshi rivali kanadez. Lemieux arriti të kapë peshën e lejuar pasi u zhvesh tërësisht, por situata në skenë nuk ka qenë aspak e këndshme.
Pasi Lemieux u largua nga skena i kënaqur që kapi peshën e lejuar, edhe boksieri britanik u zhvesh nudo, por i pambuluar nga çarçafi, siç ndodh zakonisht, duke krijuar të tjera skena ilariteti në sallë. Një situatë aspak e këndshme, por Sounders donte të tregonte barazi në peshime.
