Skënderbeu-Laçi është një nga dy sfidat e ditës së sotme të Superligës. Takimi i vlefshëm për javën e 16-të do të luhet në Korçë dhe do të nisë në orën 16:45, ndërsa të dyja ekipet do të kërkojnë me çdo kusht fitoren pasi kanë objektiva të ndryshme.

Korçarët kërkojnë të largohen nga zona e ftohtë, kurse Laçi kërkon të fitojë për të ndjekur hapin e skuadrave kryesuese dhe për këtë arsye pritet një ndeshje mjaft e luftuar mes dy ekipeve.

Skënderbeu do të zbresë sot në fushë me dy mungesa pasi Vitija dhe Berisha kanë probleme fizike dhe nuk janë rikuperuar në kohë. Situatë komplet ndryshe te Laçi, me trajnerin Josa që i ka të gjithë lojtarët gati dhe do të hedhë në fushë 11-shen më të mirë që ka në dispozicion.

Skënderbeu: Rexhepi, Meksi, Randi, Sadriu, Bajrami, Zguro, Vangjeli, Jean Vicktor, Moraes, Mara, Mensah.

Laçi: Dajsinani, Roganovic, Ignjatovic, Malota, Ziko, Deliu, Shehu, Lushkja, Zarubica, Guindo, Mazrekaj.