Skënderbeu ka nisur nga puna për merkaton e janarit dhe lojtarët që do të afrojë në skuadër. Korçarët kishin shfaqur interes për mesfushorin e Luftëtarit Eduar Rroca, por ishin kuksianët ata që arritën të rrëmbenin lojtarin.
Në këtë mënyrë skuadra e drejtuar nga Orges Shehi po mendon për alternativa të tjera në merkato. I pari në listën e Skënderbeut është mesfushori i Vllaznisë Ardit Krymi i cili aktivizohet te skuadra shkodrane në Kategorinë e Parë.
Duke parë që skuadra çalon në mesin e fushës, sytë janë hedhur pikërisht nga mesfushori shkodran i cili është një lojtar që luan në disa pozicione në mesfushë dhe do të ishte një alternativë më shumë për trajnerin Shehi.
Por pavaresisht deshires se korçareve, veshtire se Vllaznia do ta leshoje kete futbollist per te cilin sistematikisht ka patur oferta te ndryshme keto dy sezonet e fundit megjithate nuk e ka leshuar.
Jo vetëm afrime, por te Skënderbeu janë duke menduar edhe për largimet dhe i pari në listë për tu larguar është mbrojtësi Aliti. Kosovari është lojtari që ka më shumë oferta nga skuadra korçare dhe në merkaton e janarit pritet të largohet nga Shqipëria.
