Për trajnerin e Vllaznisë Artan Bushati tashmë duket se nuk ka më asnjë dyshim. Ai e ka të qartë se me cilin formacion do të luajë në ndeshjen e rradhës me Apoloninë që do të zhvillohet ditën e nesërme. Mbrojtësi Smajli ka lënë pas dëmtimin që ka patur dhe do jetë në fushë nesër.Po ashtu trajneri duket se ka vendosur të bëjë një ndryshim edhe sa i tako sulmit. Nëse në mesjavë në ndeshjen e kontrollit ndaj ekipit të të rinjve luajti Rexha në sulm, Bushati duket se ka ndër mend të ndryshojë nga ndeshja e Gjirokastrës në këtë repart. Në sulm pritet të luajë sërish nga minuta e parë Jurgen Gjini. Ai po tregon një formë të mirë sportive dhe përveç golit të shënuar ndaj Luftëtarit, ka shënuar edhe dy gola në testin e kontrollit ndaj Vllaznia U-19. Të tjerët që mendohet të luajnë ndaj Apolonisë nesër janë po ato. Duke nisur nga portieri Vujadinoviç, mbrojtësit Semina, Belisha e Begaj, në mesfushë do jenë Beqiri, Tafili, Hajdari e Dragoi e para tyre Bardulla. Me këtë 11-she, Vllaznia kërkon fitoren në ndeshjen e javës së 17-të të kampionatit ndaj skuadrës së vendit të fundit në renditje, Apolonisë. Në pamje të parë duket një sfidë e lehtë megjithatë nuk do jetë kështu. Fierakët nuk kanë se çfarë të humbasin dhe prandaj duke luajtur lirshëm do mundohen t’i marrin pikë skuadrës shkodrane.www.shkodrasport.com
