Dy dite pas debutimit ne pankinen e Vllaznise, Auron Miloti nuk eshte me trajner i kesaj skuadre. Barazimi 0-0 ndaj Bylisit duket se i ka kushtuar shume atij. Drejtuesit e klubit mesa duket nuk kane patur shume besim per vazhdimesine e skuadres.
Si rrjedhoje duke patur shume dyshime per arritjen e objektivave sezonale, mbremjen e sotme kane emeruar ish- trajnerin e Shkupit Goca Sedloski ne krye te skuadres.
Por ne fakt, jo vetem drejtuesit nuk kane patur besim tek Auron Miloti. Ndoshta per koinçidence, gazeta “Shkodra Sport” paraditen e sotme ka hapur nje sondazh ne faqen e saj duke pyetur lexuesit nese besonin se me Milotin ne krye Vllaznia do t’i arrinte objektivat sezonale?
Keshtu, plot 72 % e atyre qe kane marre pjese ne kete sondazh kane thene “JO” duke mos besuar se me te ne krye te skuadres ekipi do te futej ne rrugen e duhur per te shpetuar sezonin.
Nga ana tjeter, vetem 28 % e atyre qe kane votuar ne kete sondazh kane shprehur besimin e tyre te plote se Auron Miloti do te arrinte te linte pas momentin e veshtire qe po kalonte skuadra dhe ta drejtonte ate drejt arritjes se objektivit te saj si ne kupe ashtu edhe ne kampionat./SHKODRA-SPORT.COM/
