Vllaznia- Bylis eshte sfida qe do te startoje ne oren 15.00 ne stadiumin “Loro Boriçi”, ne kuadrin e javes se 27-te te “Abissnet Superiore”. Nje perballje interesante ku te dy skuadrat do te mundohen te marrin maksimumin per vete pozitat e tyre ne renditje.
Po çfare mendojne tifozet per kete ndeshje? Pikerisht per kete arsye, gazeta “Shkodra Sport” paraditen e sotme ka hapur nje sondazh per te marre mendimin e tyre ne lidhje me rezultatin e ketij takimi.
Keshtu, 89 % e votuesve jane te mendimit se do te jete Vllaznia ajo qe do ta fitoje kete takim. Vetem 4 % jane te mendimit se ky takim do te fitohet nga Bylis, ndersa 7 % e votuesve mendojne se ky 90 minutesh do te mbyllet ne barazim.
Megjithate, ajo qe do te vendose do te jete fusha e lojes. Vllaznia duke qene se ka ambicje me te medha kuptohet qe eshte favorite, por ajo nuk fiton ne kampionat prej 5 javesh dhe si rrjedhoje duhet pare reagimi i saj ne fushen e “Loro Boriçit” pasditen e sotme.
Per me teper qe tashme ne krye te saj eshte nje trajner i ri dhe per kete arsye, ka shume interes per te pare menyren si do ta ndryshoje ai skuadren ne prag te ketij takimi shume te rendesishem me Bylisin./SHKODRA-SPORT.COM/
