Dita e sotme do të jetë shumë e veçantë për sulmuesin shkodran të kombëtares shqiptare por edhe të ekipit belg Ostende- Sindrit Guri. Ai ka ditëlindjen dhe do të festojë 25 vjetorin e lindjes së tij. Një përvjetor që vjen në momente fantastike për këtë futbollist. Karriera e tij ka njohur hapa galopantë.
Pas përpjekjeve për të shkëlqyer me Vllazninë por që nuk ia doli, Sindrit Guri nuk u mërzit dhe kaloi tek Besa fillimisht. Më pas tek Korabi në kategorinë e parë, para se të bënte kapërcimin e rëndësishëm, kalimin tek Kukësi.
Pikërisht prej kësaj skuadre “mori biletën” për në Europë teksa tashmë është pjesë e ekipit belg Ostende. Një karrierë në rritje dhe duket se tashmë është momenti më kulminant i saj.
Jo më kot, përvjetori i 25-të i lindjes së tij pritet të festohet në mënyrën e duhur nga sulmuesi shkodran i kombëtares shqiptare.
Padyshim që do ta festojë me shokët e ekipit në Belgjikë por nga ana tjetër, kjo ditëlindje do të festohet edhe në Shkodër nga familjarët e tij. “Shkodra Sport” i uron edhe 100 vite të tjera të lumtura Sindrit Gurit!
www.shkodrasport.com
