Java e gjashte e kategorise se pare per grupin A do te mbyllet sot me takimin qe do te luhet ne fushen sportive “Reshit Rusi” ne mes Veleçikut dhe Korabit. Nje takim qe pritet me interes ne kampin shkodran sepse duan fitoren e trete.
Veleçiku sot do te prese nje kundershtar teper te veshtire per nga emri por edhe nga grupi i futbollisteve qe Korabi ka ndispozicion.
Pavaresisht se Korabi nuk ka patur nje nisje te mire te kampionatit,eshte nje ekip qe pretendon kalimin ne Superiore ku ka marre pjese edhe ne sezonin 2016-2017 por ata kurrsesi nuk mund te nenvlersojne Veleçikun pasi ekipi yne eshte paraqitur me mire se Korabi ne 5 javet e para.
Veleçiku nuk di te humbase ne Shkoder sepse i ka fituar te 2 ndeshjet e zhvilluara (pa llogaritur ndeshjen me Vllaznine) perballe 2 kundershtarve jo te lehte si Vora dhe Iliria ndersa Korabi nuk ka asnje fitore ne 3 ndeshje jashte fushe (2 humbje,1 barazim).
