Kanë mbetur edhe tre ditë deri tek supersfida Vllaznia- Tirana dhe në opinionin sportiv ka patur edhe ndonjë ide se përplasja e administratorit Naku me sponsorin Xhaferi mund të ndikojë tek skuadra.
Por në fakt është ky i fundit që ka siguruar se kjo nuk do të ndodhë. Gjatë një lidhje me emisionin “Sport Shoë”, Xhaferi ka deklaruar:
“Ekipi është i motivuar maksimalisht për ndeshjen me Tiranën, ka mbështetjen time të plotë, të stafit dhe shpresojmë të dalim me një rezultat pozitiv.
Ju siguroj se ndonjë situatë e pakëndshme që është krijuar së fundi, nuk do të ndikojë aspak tek ekipi që është i përqendruar për të marrë më të mirën në këtë ndeshje”.
Sponsori i Vllaznisë akordoi një shpërblim prej 5 milionë lekësh për fitoren e javës së kaluar në Korçë ndaj Skënderbeut dhe nuk përjashtohet mundësia që të akordojë sërish premio edhe për fitoren me Tiranën ditën e shtunë./SHKODRA-SPORT.COM/
