Flamurtari do ta luajë në fushë asnjëanëse ndeshjen e nesërme kundër Laçit, planifikuar për t’u luajtur në Vlorë.
Dënimi me dy ndeshje larg Vlorës nga Komisioni i Disiplinës ka bërë që të kërkohet me urgjencë stadium tjetër.
Fillimisht në Vlorë menduan Ballshin si zgjidhje, edhe për afërsinë gjeografike, por edhe për koston e ulët të stadiumit, në një kohë që stadiumi i Fierit ka një tarifë më të lartë.
Megjithatë, duket se FSHF ka vendosur ndryshe, sepse e ka spostuar ndeshjen në Elbasan.
Kështu, Flamurtari-Laçi do të luhet në “Elbasan Arena”, pavarësisht e aty kostoja e hapjes së stadiumit është shumë e lartë./sport-ekspres/
