Gjatë gjithë këtyre ditëve është diskutuar jo pak në lidhje me situatën e mbrojtësit Renato Malota.
Ai bën një javë që ka nisur stërvitjen me ekipin pas shkëputjes që pati për arsye personale.
Por duket se forma e tij fizike nuk është ende aty ku duhet. Në këto rrethana mesa u pa edhe sot në stërvitje, mbrojtësi lezhjan nuk është duke u menduar si titullar për ndeshjen e së dielës ndaj Teutës.
Në qendër të mbrojtjes pritet të luajnë sërish Berisha dhe Orelesi. Kështu është konstatuar edhe në stërvitjen e sotme.
Gjithsesi Malota do të jetë në 18-she për këtë ndeshje por nuk do ta nisë nga minuta e parë.
Kjo ide të paktën qarkullon në mendjen e trajnerit Gjoka megjithatë deri të dielën nuk përjashtohet mundësia e ndryshimit të gjërave.
Vllaznia e ka të domosdoshme marrjen e pikëve ndaj Teutës dhe padyshim që aktivizimi i këtij lojtari do të ishte diçka shumë pozitive por gjithsesi edhe nëse nuk luan, sërish objektivi i saj nuk ndryshon për të marrë pikë.
© shkodrasport.com
