Edhe pse misteri e supsanca shtohet, të gjitha drejtimet shkojnë kah emrit të Roberto Mancinit.
Bëhet fjalë për stolin e Kombëtares Italiane të Futbollit, kandidat për të cilin janë edhe Claudio Ranieri e Antonio Conte, me këtë të fundit që ka lënë të kuptohet se marrëdhënia e tij me Chelsean nuk premton për shumë gjatë.
Gjithsesi, edhe pse në pistë kanë hyrë dy favoritë potentë, sërish duket se në pole-position mbetet ish trajneri i Interit, aktualisht në stolin e Zenitit, Roberto Mancini.
Mendohet se për trajnerin e ri që do të marrë drejtimin e kësaj përfaqësueseje, kontrata të jetë 2-vjeçare, deri për në Euro 2020.
Gjithsesi, këta 3 emra nuk janë të vetmit në garë. Një tjetër emër më potencial ishte ai i Carlo Ancelottit, i cili deklaroi se e ëndërron një post të tillë për të ardhmen.
Edhe për Gigi di Biaggon, trajnerin aktual që do të drejtojë Italinë në takimet miqësore me Argjentinën dhe Anglinë, ky është një rast i mirë për të fituar pikë e për t’u listuar tek pretendentët për këtë post.
Gjithsesi, mediat italiane garantojnë se me Conten të pamundur, favorit mbetet Roberto Mancini, që ka lënë të hapur mundësinë e prishjes së kontratës me Zenitin, në përfundim të sezonit.
