Zhurma e krijuar ditët e fundit në lidhje me disa komente në emër të sulmuesit shkodran Xhevahir Sukaj, është shoqëruar mesditën e sotme me një prononcim të këtij lojtari për shtyp. Ai ka mohuar gjithçka mund të jetë thënë e shkruar për të por në fakt, jashtë kamerave sulmuesi ka shprehur sërish mendime ndryshe. Megjithate duke iu referuar fjaleve te tij, e rendesishme është të thuhet që të drejtat e tij, Sukaj i kërkon në ballafaqimin direkt me njerëzit përkatës dhe jo përmes medias apo faqeve të ndryshme sociale.
“Ato çfarë shkruar në “facebook” nuk janë fjalët e mia. Nuk kam asnjë problem me klubin. Nëse na janë vënë gjoba 30 për qind, kjo është mëse normale sepse gjoba na janë vënë edhe më parë kur nuk kemi patur rezultate. Të drejtate mia unë i kërkoj në ballafaqimet direkte me drejtuesit nëse kam gjë për të zgjidhur dhe jo përmes “facebookut”-ka thënë ai. Sa për merkaton e janarit, ai ka bërë të ditur se mund të largohet nëse i vjen një ofertë e mirë nga jashtë vendit se për në Shqipëri, sigurisht që nuk do ta ndërrojë Vllazninë me asnjë ekip tjetër ashtu siç ka bërë gjithmonë. Nga ana tjetër, e gjithë vëmendja është e përqendruar tek sfida e rradhës me Apoloninë për të cilën vetë Sukaj mendon që duhet synuar fitorja. Çështja Sukaj kësisoj ka marrë fund për momentin por me shumë siguri shpejt do kemi të tjerë lajme prej këtij futbollisti.
