Ardhja e Xhevahir Sukajt tek Vllaznia sigurisht që ka ngrohur tifozët shkodranë që shohin tek ky futbollist “shpëtimin” sa i takon problemeve që ka patur skuadra në sulm. Por ka edhe nga ata tifozët skeptikë që mendojnë se lojtari ka ardhur në Shkodër thjesht për të marrë disa lekë. Sulmuesi 30 vjeçar në fakt edhe në konferencën e sotme për shtyp e ka përmendur këtë fakt, pas pyetjes së bërë nga gazetarët. “Unë tek Vllaznia nuk kam ardhur për lek. Po të ishte për lekë, mund të qëndroja tek Partizani sepse atje merrja shumë më tepër.
Tek Vllaznia do të përfitojë një rrogë normale, sa futbollistët e tjerë të saj. Kam ardhur sepse kërkoj që t’i shërbej Vllaznisë”- është shprehur ai. Gjithsesi tashmë koha e firmës dhe e prezantimit mbaroi. Sytë janë nga ndeshjet zyrtare, aty ku të gjithë presin një perfomancë të mirë të kuqebluve dhe padyshim edhe golat prej tij.
© shkodrasport.com
