Po flitet shumë për sulmuesin shkodran Hamdi Salihi. Ai me shumë mundësi do largohet nga skuadra e tij aktuale Rapid i Vjenës gjatë këtij muaji ngaqë nuk po gjen shumë hapësira në formacion. Po ashtu edhe vetë drejtuesit e këtij klubi janë të interesuar ta shesin atë sepse në këtë mënyrë përfitojnë diçka nga ana financiare ngaqë në qershor Salihi largohet në parametrat zero ngaqë i mbaron kontrata. Ofertat në adresë të sulmuesit 28 vjeçar nuk kanë munguar gjatë kësaj periudhe.
Një nga menaxherët që është duke u kujdesur për transferimin e tij në një kampionat tjetër është pikërisht kosovari Erkan Sulejmani i cili njihet nga sportdashësit shkodranë sepse ky lojtar ka luajtur për Vllazninë në sezonin 2005-06. Duke folur ekskluzivisht për shkodrasport.com, Sulejmani do bënte të ditur disa nga tratativat e tij për kalimin e Salihit në një kampionat tjetër prandaj thotë: “Ka shumë interes për këtë lojtar dhe për momentin, dy janë mundësitë më të mëdha, kalimi në kampionatin anglez ose atë turk”. Po cilat janë skuadrat që duan ta kenë në gjirin e tyre sulmuesin shkodran? Sulejmani i zbulon emrat e këtyre skuadrave duke thënë: “I interesuar është për Salihin ekipi i Fulhamit në Angli dhe ekipet e Gaziantepsporit dhe Eskisehirspor. Kam folur edhe me klubin e Rapidit dhe besoj se edhe ato do ta lënë të lirë të largohet ngaqë në qershor Hamdija i ikën me parametrat zero dhe prandaj kanë interes ta shesin tani. Unë jam në pritje të ofertave të këtyre ekipeve dhe me shumë mundësi brenda janarit do kemi një skuadër të re për Salihin”.
www.shkodrasport.com
