Rikthehen problemet te Besëlidhja. Pas sherrit të disa ditëve më parë në stërvitje ku Oliver Dore u përplas me Armando Dollanin, një tjetër debat ka ndodhur te Besëlidhja gjatë ditëve të fundit. Por, kësaj radhe me pasoja më të rënda.
Bëhet fjalë për sulmuesin kryesor të skuadrës, Armand Pasha, i afruar me bujë gjatë merkatos së verës, i cili është larguar nga Besëlidhja. Mësohet se ai ka pasur debate me presidentin e skuadrës, Gjok Noka dhe në këtë mënyrë ka vendosur që të mos kthehet më në skuadër.
Pasha ka munguar në stërvitje, ndërsa nuk ishte pjesë e grupit për ndeshjen që lezhjanët luajtën të dielën në Shijak ndaj Erzenit.
Perpasja ne mes tij dhe presidentit ka nisur pas ndeshjes me Vllaznine te luajtur para dy javesh. Menjehere pas perfundimit te saj, presidenti Noka eshte ulur ne fushe dhe tek pankina ka qene pikerisht Pasha te cilin e ka ofenduar rende ne sy te pjestareve te tjere te stafit teknik.
Kjo nuk eshte pertypur mire nga ana e lojtarit qe me pas ka vendosur te mos kthehet me ne Lezhe. Nuk dihet arsyeja pse presidenti e kapi me Pashen sepse ne fakt Vllaznia e meritoi fitoren ne te gjitha drejtimet ndaj kundershtarit.
