Tjeter gol i sulmuesit shkodran Gabriel Kulla, i 16-ti per te ne kampionatin italian te Seria A per 17 vjeçaret. Per me teper, goli i tij sot ka kontribuar ne sigurimin e nje vendi ne fazen play-off per ekipin e tij Sassuolo.
Ky i fundit sot ka luajtur ne transferte ndaj ekipit te Modenas dhe ka fituar me rezultatin 3-2. Njeri prej golave te Sassuolos mban firmen e Kulles, pikerisht ai i dyti, duke ndihmuar ne kete menyre ne marrjen e nje trepikeshi me shume vlere.
Goli i sotem i Kulles eshte i 16-ti per te duke qene kesisoj i dyti ne renditjen e golashenuesve me te mire te kampionatit, teksa i pari eshte futbollisti Alex Amadio i Juventusit qe udheheq me 2 gola me shume.
Sa i takon Sassuolos, ajo ka siguruar vendin e katert ne grupin A duke u kualifikuar per ne fazen play-off ku sfiden e pare do ta luaje pikerisht ndaj Genoas me 4 maj. Gabriel Kulla ne kete menyre po arrin ta “marre per dore” kete ekip ndonese ne fillim te sezonit nuk kishte pretendime te tilla.
Vete sulmuesi i kombetares U17 te Shqiperise kuptohet qe eshte i kenaqur me 16 golat e shenuar, ne te parin kampionat profesionist ku ka luajtur. Megjithate do te kerkoje te shenoje edhe gola te tjere ne ndeshjet e fazes play-off.(www.shkodrasport.com)
