Golashënuesja më e mirë në historinë e futbollit të femrave Megi Doçi, nuk di vetëm të shënojë. Ajo bën mirë edhe shumë gjëra të tjera dhe këtë gjë e ka shfaqur edhe sot me një veprim që ka bërë.
Meqenësë është Dita e Pavarësisë, ajo ka postuar në profilin e saj në facebook një foto të sajën me fanellën kuqezi të kombëtares shqiptare dhe sipër saj shkruan: “Krenare të jem shqiptare. Urime 28 nëntorin”.
Mjafton edhe kaq për të kuptuar se lojtarja më e mirë e kampionatit shqiptar dhe një nga më të mirat e kombëtares, është edhe një patriote e vërtetë. Një futbolliste që e do flamurin kuqezi, e do fanellën me këto ngjyra që luan dhe mundohet ta lartësojë sa më shumë emrin e kombit tonë.
Megi Doçi kujtojmë se ka shënuar mbi 300 gola në kampionatin shqiptar, një shifër e jashtëzakonshme për futbollin tonë dhe të mos harrojmë se ajo është vetëm 22 vjeçe dhe rekorde të tjera ka për të vendosur në të ardhmen.
© shkodrasport.com
