Ndryshimet e shumta të pankinave në Superligën shqiptare vazhdojnë sërish. Por supriza e fundit duket se ka të bëjë me ardhjen e një trajneri austriak në krye të një ekipi shqiptar. Bëhet fjalë për trajnerin austriak Peter Pacult. Ai për disa vite ka qenë në krye të ekipit Rapid i Vjenës, pikërisht në periudhën kur pjesë e kësaj skuadre ka qenë sulmuesi shkodran Hamdi Salihi. Ka qenë Pacult që pat ngulmuar për ta marrë këtë lojtar në rradhët e kësaj skuadre.
Por nga dita e nesërme, ai do të vazhdojë punën në Shqipëri teksa pritet të marrë drejtimin e ekipit të Kukësit. Gjate karrieres se tij, ky trajner perveçse ne Austri ka drejtuar ekipe te ndryshme edhe ne Gjermani, Serbi e Kroaci. Një gjë e tillë konfirmohet nga media të ndryshme ditën e sotme dhe pritet tashmë të konkretizohet me firmosjen e kontratës dhe prezantimin para skuadrës.
© shkodrasport.com
