Vjedhjet e shtëpive të futbollistëve janë bërë shumë të zakonshme në kohët e fundit. Hajdutët përfitojnë më së shumti kur ata janë të impenjuar në ndonjë ndeshje, pasi e dinë se vëmendja është e përqëndruar tjetërkund.
Kështu, ka ndodhur edhe mbrëmjen e djeshme me vilën shtatë milionë euroshe të Kristiano Ronaldos në Madeira, vendlindjen e tij.
Luzitani ishte duke zhvilluar ndeshjen miqësore ndaj Spanjës, ndërsa në shtëpinë e tij, grabitësit kishin thyer sistemin e sigurisë.
Gjatë momentit të grabitjes as e fejuara e CR7 nuk ishte prezente duke qenë se ishte e impenjuar me javën e modës në Paris. Ndërkaq, sendet e vjedhura sigurisht kanë qenë me vlera ta larta, ndërsa mes tyre mungonte edhe një fanellë e Juventusit me autograf. /VipSport/
