Klubi I futbollit Vllaznia “I ka treguar dhëmbët” futbollistit të saj Arsen Sykaj. Deklarata e tij pak ditë më parë në gazetën “Sporti Shqiptar” se kërkonte të largohej ngaqë nuk ishte në planet e trajnerit. Kjo deklaratë është fiksuar mirë nga drejtuesit e klubit të cilët, pasi lojtari është kthyer nga zbori I kombëtares, e kanë thirrur për t’I kërkuar sqarime rreth asaj deklarate kundër stafit dhe më pas, ai filloi stërvitjen. U duk se kjo gjë do mbyllej me kaq por nuk ka ndodhur kështu. Ditën e djeshme ndërkohë nga ana e klubit shkodran është bërë e ditur se mbrojtësi Arsen Sykaj është gjobitur me 50 për qind të rrogës mujore pikërisht për atë deklaratë. Secili prej futbollistëve e ka të shkruar dhe të sanksionuar në kontratat e tyre se për asnjë moment dhe asnjë arsye nuk mund të dalin kundër klubit dhe stafit në deklaratat e tyre për mediat. Prandaj dhe Sykaj e ka pësuar teksa në ditët e para të shkurtit do të marrë vetëm gjysmën e rrogës së një muaji më parë. Vetë lojtari nuk ka dashur ta komentojë këtë ndëshkim teksa duket e ka pranuar në qetësi atë. Për të si futbollist e rëndësishme është që tashmë I ka sqaruar të gjitha problemet që ka patur me stafin dhe ai është pjesë e skuadrës.
www.shkodrasport.com
