Një Juventus-Milan për t’i bërë një mbyllje sa më spektakolare këtij sezoni.
Klasikja e futbollit italian vjen në momentin e duhur për të dyja skuadrat, me Juventusin që ka mbyllur praktikisht çështjen titull me 2 fitoret ndaj Interit dhe Bolognas dhe Milani që është ngjitur sërish në vendin e 6-të në kampionat falë sukeseve ndaj Bolognës dhe Veronës.
Finalja e Kupës së Italisë është një sfidë që kurrësesi nuk duhet humbur dhe që të gjithë shqiptarët do të kenë mundësi ta ndjekin drejtëpërdrejt vetëm në Supersport.
Mbrëmjen e sotme në stadiumin Olimpico të Romës, bardhezinjtë dhe kuqezinjtë do të masin forcat në një përballje titanësh.
Juventusi është në kërkim të trofeut të 13-të në këtë kompeticion dhe të 4-it radhazi një rekord ky për futbollin e kohëve moderne në Itali.
Ndërkohë për Milanin Kupa është trofeu i vetëm me të cilin mund të shpëtojë sezonin.
Me suksesin numër 6-të në këtë kompeticion Milani do të siguronte zyrtarisht pjesëmarrjen në grupet e Europa League për sezonin e ardhshëm.
Në finalen e fundit mes tyre kanë triumfuar kuqezinjtë të cilët në 2016-ën i mposhtën bardhezinjtë në Superkupën e Italisë së zhvilluar në Doha pas goditjes së penalltive.
Kjo do të jetë finalja e parë si trajner për Genaro Gattuson me Milanin ndërkohë që në krahun tjetër Massimiliano Allegri me një triumf të mundshëm do të vendoste një rekord absolut duke u bërë trajneri i parë që fiton kampionatin dhe Kupën për 4 vite radhazi, në 5 ligat më të rëndësishme europiane.
