Fundjaven qe shkoi ekipi i taekondose te Vllaznise ka marre pjese ne turneun nderkombetar “Ulqini Trophy” qe u zhvillua ne qytetin bregdetar te Malit te Zi. Perveç tij te pranishem me sportistet e tyre kane qene edhe 33 ekipe te tjera nga 5 shtete: Mal i Zi, Kosovë, Shqipëri, Maqedoni dhe Bosnie dhe Herzegovinë, me nje total prej 350 sportistesh.
Vllaznia eshte perfaqesuar me 31 sportistë dhe me grumbullim pikësh në total u rendit në vend të pestë. Natyrisht nje vend komod ky duke pase parasysh pjesmarrjen e madhe te ekipeve dhe sportisteve nga keto vende. Nga ekipi shkodran plot 8 sportiste kane zene vende te para, 11 te tjere vende të 2-ta dhe 9 sportiste vende të 3-ta.
Kane spikatur mbi te gjithe Harold Hallunaj i cili ne peshen -39 kg zuri vendin e pare ne kategorine Young Cadet, ndersa ne kategorine cadet kane zene vende te para Menida Meta ne peshen -41 kg dhe dhe Reina Spatari ne peshen -59 kg.
Ne kategorine juniore ka pase plot 5 sportiste qe kane zene vende te para dhe konkretisht Edrit Coka ne peshen -48 kg, Isra Meta ne peshen -52 kg, Adri Gorrila ne peshen -59 kg, Ambri Mustafa ne peshen -63 kg dhe Sajmir Trushi ne peshen -73 kg. Nje paraqitje e tille e sportisteve shkodrane ne kete turne konsiderohet shume pozizive./www.shkodrasport.com/
