Sipas raporteve në Spanjë, talenti i Manchester City-t Brahim Diaz do të nënshkruajë një para-kontratë me Real Madrid në janar.
Kontrata e tij aktuale skadon në fund të sezonit dhe thuhet se 19-vjeçarit i ka ardhur në majë të hundës mungesa e hapësirave te skuadra e Pep Guardiola-s.
Ai ka bërë vetëm tre paraqitje këtë sezon, megjithëse i është premtuar më shumë.
Diaz shënoi dy herë në fitoren ndaj Fulham në Carabao Cup në fillim të muajit, por nuk ka arritur të përfshihet në skuadër për ndeshjet e Premier League.
Real mendon se ai ka një të ardhme të madhe përpara, dhe kërkon ta blindojë që në janar duke i ofruar një para-kontratë lojtarit.
Ai thuhet të ketë rënë dakord me Los Blancos dhe pritet t’i bashkohet në fund të sezonit.
