Eliminimi i shpejtë i Gjermanisë nga Botërori u ka dhënë mundësinë përfaqësuesve të tjera jo vetëm të ulin nga froni kampionët në fuqi, por edhe të synojnë t’u rrëmbejnë rekordet që kjo kombëtare ka vënë duke luajtur me rregullsi në edicionet e këtij aktiviteti.
Një rekord i tillë ka rënë sot, duke i kaluar më saktësisht rivalëve me të ndezur të gjermanëve, brazilianëve, të cilët kanë po ashtu një rregullsi të admirueshme në pjesëmarrjet në Botërorë.
Bëhet fjalë për numrin e golave të shënuar në një aktivitet të tillë. Me golin e shënuar nga Nejmar, Brazili gjeti rrjetën për herën e 227 në Botëror, një më shumë se Gjermania e cila ia kishte rrëmbyer rekordin e golave “seleçaos” në atë ndeshje të famshme të përfunduar 7-1 katër vite më parë.
Më pas, ata thelluan diferencën me Firminon, duke çuar në 228 rekordin e ri.
Të tjerët janë shumë të shkëputur nga kjo dyshe dhe do të duhen shumë edicione të suksesshme për t’i arritur.
Në podium gjendet Argjentina me 137 gola të shënuar, e ndjekur më pas nga Italia që ka 128 gola. Vendi i pestë në renditje i përket Francës me 113 gola të realizuar në Botërorë. /vipsport/
