Mediat italiane raportojnë se mesfushori serb i Lacios, Sergej Milinkoviç-Saviç do të jetë dhe njëherë tjetër në qendër të merkatos këtë verë.
Presidenti Klaudio Lotito do të përpiqet dhe njëherë t’i rezistojë ofertave për 25 vjeçarin, por do të jetë e vështirë sepse klubet e pasura si Barcelona, PSG-ja dhe Real Madridi janë gati të bëjnë një ofertë që i kalon 100 milionë.
Gjithsesi, Lotito nuk ulet për të diskutuar për “xhevahirin” e skuadrës pa një ofertë prej të paktën 120 milionë euro, vazhdon raportimi i mediave italiane.
Ky çmim i kripur vlen gjithmonë për aq kohë sa Lacio nuk fiton kampionatin, sepse në rast se do ia dilnin të triumfonin atëherë çmimi do të rritej dhe më shumë.
