Opinion nga Agron Selmani*
po dëgjoj shumë komente për klubin dhe rreth klubit Vllaznia. Ide të ndryshme dhe propozime të ndryshme. Por, një gjë mund të konkludohet: klubi nuk ka strukturë organizative dhe ndarje të strukturës menaxheriale dhe asaj profesionale. Ndoshta në mungesë të saj, edhe pasojnë problemet nga baza deri te kulmi, apo dhe deri te trajneri i parë, i cili edhe mund të jetë drejtori teknik profesional. Unë para disa kohësh isha në një klub turk për specializim, pikërisht tek Gençlerbirligi të Ankarasë. Pikërisht aty, në kuadër të Akademisë së futbollit, kishin të punësuar dy trajnerë “analizator” që kishin për detyrë, ndihmën logjistike dhe profesionale për trajnerët e Akademisë së futbollit, zbulimin e talenteve jo vetëm brenda Akademisë por për në tërë qytetin e Ankarasë!! Po ashtu, para do ditësh mu duk se pashë, se ishte një ide e tillë edhe në Shkodër për të krijuar një “këshill trajnerësh”. Them se ka shumë gjëra të mira në futbollin shqiptar, por disi nuk janë të lidhura dhe nuk janë në bashkërendim me njëra- tjetrën. Sa isha në Bosnjë- Hercëgovinë dhe pikërisht në Sarajevë, pashë se atje vlonin ofertat për trajnerët boshnjak dhe kroatë nga Shqipëria. Dhe mund të dëgjoja se mjetet financiare edhe nuk mungojnë, por po mungon puna dhe ambicjet për të bërë diçka më shumë në rrugën e Europës. Së paku, të kalohet një nivel apo pak ma shumë.*Trajner futbolli në Kosovë
