Afron momenti vendimtar i sezonit për Napolin dhe për Elseid Hysajn, por për fat të keq, kapiteni i përfaqësueses shqiptare është detyruar të ndalet sot nga një dëmtim që komplikon pak situatën e tij në një periudhë kur po flitej për rinovim apo për transferim.
Hysaj ishte titullar sot në ndeshjen ndaj Romës në krahun e djathtë të mbrojtjes dhe po zhvillonte një paraqitje shumë pozitive për skuadrën e tij. Por në minutën e 65 të takimit, ai bëri shenjë nga stoli se nuk mund të vazhdonte më.
Menjëherë Ançeloti vendosi për një zëvendësim, duke larguar shqiptarin nga fusha e lojës, ndërsa pritet që ai të zhvillojë disa kontrolle më të hollësishme mjekësore në ditët në vazhdim për të kuptuar situatën dhe shkallën e këtij shqetësimi muskulor.
Te Napoli shpresojnë që Hysaj të mos mungojë gjatë, pasi përpara kanë një sfidë shumë të rëndësishme për klubin, çerekfinalet e Ligës së Europës përballë Arsenalit ku trajnerin Ançeloti e kishte parashikuar si titullar futbollistin duke qenë i bindur se me të në fushë, skuadra italiane do të kishte më shumë siguri në prapavijë. /vipsport/
