Skuadra pukjane i ka bërë një mbyllje të mirë vitit 2017 duke arritur tre fitore njëra pas tjetrës e kjo ka bërë që aktualisht ajo të renditet në mes katër ekipeve më të mira të kategorisë së parë. Por drejtuesit e skuadrës dhe ata të klubit nuk mjaftohen me kaq. Objektivi i tyre jo vetëm që do të jetë renditja në pesëshen e parë por për të shkuar dhe më tej. Për këtë arsye, po punojnë për forcimin e skuadrës në pikat ku ajo ka patur më shumë nevojë.
Tashmë është zyrtarizuar marrja e sulmuesit shkodran Jurgen Gjini i cili ka qenë pjesë e Flamurtarit të Prishtinës deri para pak ditësh. Por merkatoja e Tërbunit nuk do mbyllet këtu. Trajneri Krepi është shprehur se pret edhe 2-3 përforcime të tjera dhe me to nëse bëhen realitet, do të synojë vendet e para në renditje.
www.shkodrasport.com
