Kompania zviceriane “Gea Sport” është tërhequr nga kërkesa e saj për të marrë drejtimin e Vllaznisë. Në një postim në faqen zyrtare të kësaj kompanie në facebook, presidenti i saj Roberto Nava ka bërë të ditur se “nisur nga neglizhenca e Bashkisë dhe e kryetarit të saj Lorenc Luka për t’i dhënë një përgjigje kërkesës së tyre, vendosim të tërhiqemi nga interesi jonë për të marrë Vllazninë.
Shprehim keqardhjen për këtë por nuk do heqim dorë nga marrja përsipër e drejtimit të ndonjërit prej klubeve shqiptare të futbollit”. Në rrethana të tilla, pas kësaj tërheqje, tashmë e vetmja kandidaturë për të marrë Vllazninë është ajo e ish- presidentit Valter Fushaj.Ky i fundit nuk ka bërë premtime të bujshme. Thjesht ka kërkuar që Bashkia Shkodër të marrë përsipër borxhet që ka aktualisht klubi dhe në vazhdim të përcaktohet qartë mënyra e investimit në mes palëve dhe kuotata financiare që do hedhin secila. Mes tij dhe drejtuesve të Bashkisë ka patur një takim por tashmë pritet të ketë edhe një takim tjetër për të saktësuar më pas se çfarë do ndodhë.
© shkodrasport.com
