Teuta tenton të rikthejë Jorgo Pëllumbin. Burime të besueshme pranë lojtarit bëjnë me dije për Newsport.al që kampionët e Shqipërisë kanë kërkuar në huazim ish-futbollistin e Skënderbeut.
21-vjeçari është në kontratë me kroatët e Varazdin, por hapësira e pakta në Kroaci si dhe ofertat e shumta nga Superiorja kanë lëkundur shtatlartin.
Të njëjtat burime tregojnë se presidenti i Teutës Edmond Hasanbelli është në bisedime me menaxherin e lojtarit, Haris Fakiç. Po tentohet një huazim për një periudhë 6-mujore deri në fund të sezonit.
Gjithashtu mësohet se interes për të ka shfaqur edhe Vllaznia. Mungesa e një qendërmbrojtësi të mirëfilltë, ka vënë në lëvizje stafin teknik së bashku me drejtuesit.
Eksperienca e Pëllumbit në Superiore do t’i shërbente shkodranëve për pjesën tjetër të sezonit. 21-vjeçari luan në qendër, por edhe si mbrojtës i majtë. Kësisoj një “xhol” në organikën kuqeblu do të sillte qetësi për trajnerin Brdariç.
Megjithatë fillimisht pritet të mposhtet rivaliteti me Teutën, ku veç kreut të klubit, në bisedime është futur edhe vetë Edi Martini për ta bindur t’i bashkohet “Djemve të Detit”./newsport/
