Carlos Tevez beson se “Rusia 2018” do të jetë “Kupa e Botës e Lionel Messit”, me yllin e Barcelonës gati për të frymëzuar Argjentinën drejt lavdisë globale.
Futbollisti 30-vjeçar ende duhet të shijojë suksesin e lartë ndërkombëtar me vendin e tij, me dhimbjen e finaleve që i kanë mohuar atij mundësinë për të përfunduar me një medalje të shquar nderi.
Megjithatë, Messi ka një tjetër rast për çimentimin e statusit të tij, nëse Argjentina e fiton çmimin më të madh të futbollit.
Tevez beson se bashkatdhetarët e tij do të jenë në gjendje t’i shkojnë deri në fund turneut të kësaj vere, ndërsa sheh vetëm dy kombëtare të afta për të konkurruar me Albiceleste.
Sulmuesi i Boca Juniors tha për “Corriere della Sera”: “Unë jam i sigurt se ky është Kampionati Botëror i Messit.
Ai ka shumë zemërim në trupin e tij, edhe pse nuk e tregon atë. Nuk mendoj se ky do të jetë turneu i tij i fundit, por pres një Kupa Botëror të madh.
Argjentina është një nga favoritët. Vetëm Gjermania dhe Brazili janë në nivelin tonë”.
Skuadra e Jorge Sampaolit do ta hapë Botërorin e saj kundër Islandës, të shtunën.
Një skuadër e ngarkuar me talente sulmuese pritet të shënojë shumë gola, me Messin që do të ndihmohet nga Gonzalo Higuain, Sergio Aguero dhe Paulo Dybala.
Tevez kishte shpresuar të jetë pjesë e këtyre planeve, por 34-vjeçari u detyrua të stërvitej në palestër, pasi u kthye te Boca nga Kina, ndaj e humbi vendin në kombëtare.
Ish-sulmuesi i Manchester United dhe Juventusit shtoi: “Prisja që të jem në Kupën e Botës.
U ktheva te Boca nga Kina për shkak të kësaj, por më pas kisha një dëmtim muskulor dhe kuptova se nuk do të kisha sukses”.
Karriera ndërkombëtare e Tevez ka të ngjarë të jetë afër, pasi ka shënuar 13 gola në 76 paraqitje për kombëtaren e vendit të tij./telesport/
