Një nga skuadrat legjendare të basketbollit shqiptar të meshkujve, Vllaznia, rrezikon të bjerë për herë të parë nga kategoria.
Skuadra shkodrane e ka nisur në mënyrën më të keqe këtë sezon të Superligës, duke i humbur 3 ndeshjet e luajtura deri më tani në kampionat.
Më e fundit sot pasdite, ku në takimin e luajtur në Shkodër triumfoi ekipi i Kamza Basket me shifrat 75-50.
Nëse për miqtë nga Kamza ky ishte suksesi i parë sezonal, që solli pak frymëmarrje në renditje, për Vllazninë ky kampionat po kthehet në makth, duke mos gjetur dot rrugën drejt fitores.
Vllaznia është një ekip me djem të rinj në përbërje, për shkak të largimeve të shumta, ndaj e ka të vështirë të rivalizojë dhe fitojë, ashtu sikurse ndodhi edhe sot ndaj Kamza.
Por në këtë takim, përveç problemeve të mësipërme ka ndikuar edhe arbitrimii cili ka ndëshkuar vendasit në momente të veçanta duke sjellë edhe irritimin e lojtarëve dhe të trajnerit Taraboshi.
Vllaznia – Kamza Basket, 70-75
(26-19, 19-25, 11-13, 14-18)
