Vetëm pak javë ka në drejtimin e Vllaznisë dhe vërtetë rezultatet nuk kanë folur ende nuk kanë folur në favorin e tij megjithatë trajneri Ernest Gjoka ka ndër mend të ndryshojë disa gjëra tek kjo skuadër. Së pari në aspektin psokologjik të futbollistëve dhe për më tepër, kërkon të fusë ndjenjën e liderit tek disa prej titullarëve të këtij ekipi. Tekniku kryeqytetas e thotë qartë këtë gjë në prononcimin e tij kur shprehet: “Shumë lojtarë nuk e kanë atë egon apo atë përgjegjësinë e lidershipit.
Duhet dikush që të bëhet “lokomotivë” e këtij treni për t’i tërheqë këto “vagona” për të ndryshuar rrugë. Kjo është ajo që unë kam dëshirë të ndryshoj dhe për këtë qëllim kam ardhur, të ndryshoj Vllazninë në mentalitet. Se sa do ia arrij, këtë pastaj do ta tregojë koha. Duhet të kuptojmë se ne duhet të ndryshojmë mentalitet. Duhet të ndryshojmë idenë se do të vijmë tek Vllaznia vetëm si emër dhe jo për të bërë diçka ndryshe. Po flas përditë me futbollistët për të qenë më të fortë psikologjikisht dhe u kam kërkuar që të jemi burra. Ky sport është sport burrash. Dhe nëse nuk mbajmë përgjegjësi dhe fshihemi, kujt i fshihemi, njëri- tjetrit? U kam thënë djemve se deri në dhjetor jemi të gjithë në test. Nga unë i pari dhe deri tek futbollisti i fundit, i 18-ti. Për të ndryshuar mentalitet, për t’u bërë burra, për të dalë para njerëzve, për të marrë përgjegjësi sepse vërtetë aty brenda ka lojtarë me cilësi shumë të mira por duhet të kenë edhe cilësi lideri”.
© shkodrasport.com
