Khephren Thuram, mesfushori i Juventusit, ishte i ftuar në liceun ndërkombëtar francez për të folur mbi diskriminimin, por gjatë bisedës u ndal edhe te rivaliteti me vëllain e tij, Marcus, si dhe ndau një histori mbi të atin: “Serie A është një kampionat i nivelit të lartë, pikërisht këtë kërkojmë. Këtu përshtatemi mirë.
Vëllai im flet italisht në mënyrë perfekte, unë po përmirësohem. Për më tepër, ndeshjet janë të ndryshme, unike:, humë më taktike se gjetkë, me një lojë që vlerëson inteligjencën. Thuram-ët ndihen mirë këtu. Përveç kësaj, Torino më ka mbushur me dashuri, ndërsa në Francë njerëzit janë më të përqendruar te vetja”.
A ka konkurrencë mes jush dhe vëllait tuaj? Juve kundër Interit është rivaliteti më i madh në Itali, por duket sikur ju nuk e ndjeni këtë ndarje. Si e menaxhon babai juaj këtë situatë?
Jam vëllai më i vogël, nuk më takon të bëj provokime! Marcus është krenar për mua, unë jam i lumtur për të. Babai ynë është vërtet i kënaqur që na sheh duke u shprehur në nivelin më të lartë. Para se të bëhem konkurrues me të, më duhet të fitoj diçka… Nëse përpiqem tani, më mundin keq!
A është e vërtetë që babai juaj i ka thënë Tudorit që nëse silleni keq, mund t’ju japë një shuplakë?
Nuk isha i pranishëm kur ndodhi ajo bisedë. Mund ta siguroj Tudorin për një gjë: nuk jam sjellë keq kurrë me shokët e ekipit, aq më tepër me trajnerin. Pra, shuplakat nuk më janë dashur kurrë.
