Ditën e nesërme në orën 20:30 do luhet ndeshja e kthimit e turi të parë të Conference League mes Vllaznisë dhe Valur. Ky 90 minutësh apo edhe më shumë në rast barazimi, do përcaktojë se cila skuadër do kualifikohet. Kjo pas barazimit në ndeshjen e parë në shifrat 2-2. Ku në tokën islandeze për shkodranët shënuan Krymi dhe Dodaj.
Interesi i tifozëve shkodranë duket se nuk mungon asnjëherë kur vjen fjala për Vllazninë. Edhe për ndeshjen e nesërme, tifozeria shkodrane pritet të jetë në numër të konsiderueshëm në shkallët e “Loro Boriçit”. Pavarësisht se temperaturat gjatë këtyre ditëve do jenë jashtëzakonisht të larta duke varjuar nga 37 deri në 40 gradë.
Por pavarësisht këtij fakti duket se asgjë nuk e ndalon tifozerinë kuqeblu të jetë e pranishme në stadium. Edhe spostimi i ndeshjes nga ora 18:00 që ishte përcaktuar më parë, në orën 20:30 patjetër që favorizon faktin që të jenë sa më shumë tifozë në stadium. Kjo edhe për vetë kushtet e motit të javëvë të fundit, ku vendi ynë po kalon një të nxehtë afrikan.
Gjithashtu tifozeria shkodrane duket më e motivuar edhe organizuar edhe nga fakti i polemikave që shkaktoi ekipi i Valur në ndeshjen e parë.
Që akuzoi pa asnjë lloj prove dhe baze klubin shkodran dhe tifozerinë e tij. Për sjelljen e shfaqur në ndeshjen e zhvilluar në Rekjavik. E patjetër nesër tifozeria kuqeblu do dijë të krijojë atmosferën në “Loro Boriçi” dhe tregojë vlerat e saj qytetare që njihen historikisht.
Endri ÇINARI
