Në mbrëmjen e djeshme, Napoli pësoi humbjen e tretë radhazi teksa u mposhtën në stadiumin “San Paulo”, nga Fiorentina me rezultatin 0-2 duke përkeqësuar ndjeshëm pozitat në klasifikimi.
Pas sfidës, tifozët napoletanë ishin të nervozuar, ndërsa pretendonin se Gatuzo nuk është njeriu i duhur për të qenë në drejtimin e ekipit.
Madje, një prej tyre “guxon” edhe të përmendë emrin e trajnerit që mund të shpëtonte skuadrën nga kriza ku është futur. Tifozi është i qartë në mendimin e tij: “Thuaji presidentit të telefonojë Rejan”, ishin fjalët për gazetarin.
Edi Reja është një profil shumë i dashur për napoletanët duke njohur lidhjet e tij nga e kaluara me klubin të cilin e ka drejtuar për katër vite.
74-vjeçari është përfolur shpeshherë si pasardhësi i Ançelotit, megjithatë italiani është në krye të Kombëtares prej muajit prill të vitit të kaluar dhe ka vendosur të vijojë projektin me kuqezinjtë edhe për kualifikueset e Botërorit. /VipSport/
