Vllaznia në orën 17:00 do luajë në Korçë kundër Skënderbeut. Një takim me të vërtetë delikat për shkodranët që përveç fitores së tyre për të mbijetuar duhet që edhe Kamza të humbasë kundër Partizanit.
Por në Korçë në mbështetje të kuqebluve kanë udhëtuar edhe tifozë nga Shkodra.
Mbështetësit duan të jenë pranë ekipit në këto momente të vështira. Por e bukura është se ata janë bërë ‘pjesë’ edhe e festës së korçarëve për titullin kampion.
Tifozët shkodranë kanë veshur bluzat Champi8NS të bardhekuqve.
Dihet marrëdhënia e mirë që kanë dy tifozeritë mes tyre dhe shkodranët ndihen në njëfarë mënyre kampionë në këtë ditë të vështirë për ta./newsport/
