Para ndeshje Vllaznia- Tirana, ne pallatin e sportit “Qazim Dervishi” eshte zhvilluar nje ceremoni shume domethenese, ajo e nderimit te basketbollistit dhe trajnerit te mirenjohur te Vllaznise Bledar Gjeçaj me rastin e 50 vjetorit te lindjes se tij.
Para mbi 1 mije tifozeve te pranishem, ceremonia ka qene e thjesht por shume domethenese. Ne fillim ka qene presidenti i Vllaznise Alban Xhaferi qe i ka dhuruar fanellen me numrin 13 me te cilen ai ka luajtur gjate karrieres se tij.
Me pas, i eshte vene perpara torta e ditelindjes pikerisht nga i biri, qe eshte edhe ai basketbollist me moshat e Vllaznie. Nuk ka munguar te mos jete i pranishem me nje tufe me lule dhuruar Gjeçajt edhe presidenti i Republikes, z. Ilir Meta.
Emocionet kane qene te shumta ne ato momente dhe per me teper kur nje koleg dhe mik i tij, ish- basketbollisti Astrit Zaganjori i ka dhuruar nje foto te tij si trajner ne krahet e sportisteve dhe ne kete moment nuk kane munguar as lotet ne syte e te dyve.
Por nga ana tjeter, tifozet e grupimit “Power 12” kane shpalosur nje flamur te madh me numrin 13 dhe po ashtu, i gjithe pallati i sportit gjate gjithe kohes ka thirrur ne kor emrin e Bledar Gjeçajt dhe kjo ka bere qe ai te perflotet.
Nje ceremoni qe do ta mbaje mend gjate gjithe jetes se tij dhe ne fakt, kjo ceremoni nuk zhvillohet per njerez dosido por Gjeçaj meriton gjithçka sepse ka qene sportist i mrekullueshem, eshte trajner i tille dhe mbi te gjitha nje njeri i shkelqyer.
www.shkodrasport.com
