Ende nuk është mbyllur sezoni, megjithatë të gjithë klubet e Superiores kanë nisur të mendojnë për përforcimet e verës.
E tillë është edhe Tirana që tashmë ka siguruar matematikisht ngjitjen në elitë. 24-herë kampionët e vendit po “projektojnë” një skuadër që do të luftojë për titull, por që të arrihet kjo duhen lojtarë cilësorë.
Sot, shkodranews raporton se klubi kryeqytetas ka shfaqur interes për mesfushorin Ardit Krymi.
Madje bëhet e ditur se bardheblutë e kërkuan 21-vjeçarin edhe në merkaton e dimrit, por ai preferoi të mbetej në Shkodër.
Duhet theksuar se nuk ka asgjë zyrtare, por gjithçka mbetet në kuadrin e thashethemeve të merkatos./newsport/
