Tirana do të luajë ditën e hënë përballë Laçit ndeshjen e vlefshme për javën e 25-të të “Abissnet Superiore”. Sfida e cila është vendosur të zhvillohet në stadiumin “Elbasan Arena” do të startojë në orën 17:00.
Përveç se kërkon 3 pikët për t’u rikthyer sa më shpejt në “Final Four”, bardheblutë e drejtuar nga Erbim Fagu kërkojnë edhe të thyejnë një “mallkim” të këtij sezoni të Superiores.
Tirana nuk ka mposhtur këtë sezon 3 skuadra. Laçin, Erzenin dhe Partizanin. Ndaj kurbinasve do kërkojnë të fitojnë të hënën, ndërsa për shijakasit dhe “demat” duhet të presin edhe pak për të provuar shansin e radhës./newsport/
