Tirana dhe Teuta kanë barazuar në sfidën përmbyllëse të javës së 17-të të Superiores. Ndeshja e zhvilluar në stadiumin “Arena Kombëtare”, përfundoi në barazim pa gola, 0-0.
Një ndeshje e vakët, ku rastet ishin me pikatore gjatë 90 minutave të lojës. Edhe pse secila nga ekipet u mundua, asnjëra nuk ia doli që të konkretizonte e për ta çuar topin në fundin e rrjetës.
Me këtë barazim, Tirana shkon në kuotën e 18 pikëve në vendin e 7-të dhe mbetet ende vetëm 1 pikë larg “zonës së ftohtë”. Në krahun tjetër, durrsakët e Edi Martinit me 19 pikë mbajnë vendin e 6-të.
TIRANA 0 – 0 TEUTA
TIRANA: Selmani, Haxhiu, Kola, Mici, Pergjoni (K), Soler, Dembele, Bajrovic, Abah, Walid, Gjumsi, Trajner: Gugash Magani
TEUTA: Tafas, Marku, Jazxhi, Beqja, Nasr, Boci, Kruja, Kotobelli, Lloci, Torraj, Arifi, Trajner: Edi Martini
