Klubi i Tiranës dhe Vesel Limajn ndajnë rrugët teksa mesfushori është tashmë një lojtar i lirë për të zgjedhë të ardhmen e tij.
Nëpërmjet rrjeteve sociale, bardheblutë falenderuan mesfushorin për kontributin e tij me Limajn që ishte pjesë e Tiranës nga vera e vitit 2021.
Gjatë kësaj periudhe, 26-vjeçari rezultoi një element shumë i rëndësishëm për kryeqytetasit që triumfuan në kampionat.
Megjithatë, ky sezon nuk nisi në mënyrën më të mirë të mundshme për Limajn që humbi statusin e titullarit ndërsa numëron 14 paraqitje në Superiore duke shënuar vetëm një gol.
Tashmë, me statusin e një lojtari të lirë, pritet që në vijim edhe Vesel Limaj të përcaktojë klubin ku do të vazhdojë karrierën.
