Klubi bardheblu ka zyrtarizuar deri tani tre blerje në merkaton verore, sulmuesin Dejan Blazhevski, mesfushorin Eni Imami dhe mbrojtësin ganez Vinsent Atinga.
Kuptohet që për një skuadër kompetitive duhen edhe elementë të tjerë cilësorë dhe drejtuesit e Tiranës janë në kërkim të tyre. Për mbrojtjen pëlqehet Sedat Berisha, lojtari shqiptaro-maqedonas që luajti me Vllazninë në gjysmën e dytë të sezonit të fundit.
Ai shihet si lojtari i duhur për qendrën e mbrojtjes, falë përvojës që ka, por ende nuk ka diçka konkrete në këtë drejtim.
Një alternativë për repartin difensiv mund të jetë edhe Tefik Osmani, i cili ka mbyllur gjithçka me Skënderbeun dhe për momentin është lojtar i lirë.
Lajmi i mirë ndërkohë është qëndrimi i mesfushorit Asion Daja, i cili ka vendosur ta vazhdojë karrierën me ekipin bardheblu. Te Tirana pritet të tjerë afrime, që do të vijnë nga jashtë dhe brenda vendit./vipsport/
