Karlo Ançeloti dhe e ardhmja e tij vazhdojnë të gjenerojnë thashetheme. E fundit vjen nga Premier Liga ku Çelsi ka shfaqur dëshirën e tij për ta pasur italianin në drejtimin e bluve.
Një lajm i tillë vjen në një moment kur Reali dhe Çelsi do të përballen mes tyre në çerekfinalet e Ligës së Kampioneve.
Ka qenë rrjeti mediatik “ESPN” që ka nënvizuar se drejtuesit e Çelsit kanë nisur të mendojnë seriozisht për Ançelotin për sezonin e ardhshëm.
Sipas këtyre informacioneve, pronarët e klubit londinez e shohin italianin si figurën ideale për shkak të natyrës së tij.
Nëse një gjë e tillë do të rezultonte e vërtetë, kjo do të përbënte një rikthim për Ançelotin te londinezët, të cilët i ka drejtuar për dy sezone.
