Brenda tre ditesh Ada merr dy fitore shume te rendesishme dhe te dyja me rezultatin e ngushte 1-0, por qe e kane ndihmuar ate te marre 6 pike me shume vlere dhe tashme te ngjitet ne kuoten e 23 pikeve dhe mban vendin e gjashte ne renditje.
Nese ndaj Bulqizes tre dite me pare ishte mbrojtesi Sajdi Guri qe shenoi golin e fitores, sot ka qene rradha e mesfushorit Roland Shkreli per te shenuar dhe per t’i dhene tre pike te tjera me shume vlere velipojakeve ndaj ekipit te Valbones se Tropojes.
Ndeshja e zhvilluar ne fushen sportive “Adriatik” te Velipojes eshte shoqeruar me rivalitet dhe ekipi mik ka tentuar herepashere te shohe drejt portes se Ades, por forma e shkelqyer e portierit Besnik Ndoj ka bere qe skuadra te mos pesoje gol.
Ne kete menyre, gjithçka eshte mbyllur me fitoren e ngushte te Ades 1-0. Nje ecuri shume e mire e kesaj skuadre ne ndeshjet e fundit duke rikuperuar disa vende ne renditje dhe tashme ajo eshte pozicionuar ne vendin e gjashte te renditjes pas javes se 16-te te kampionatit./SHKODRA-SPORT.COM/
