Katër ndeshje, katër fitore për ekipin e basketbollit të të rejave të Vllaznisë e cila kryeson me meritë renditjen e kampionatit me pikë të plota. Skuadra e drejtuar nga mjeshtërit e mëdhenj të basketbollit shkodran dhe atij shqiptar, Xhuli Shestani e Renato Radoja, përveç fitoreve po arrin rekord pas rekordi.
Në ndeshjen e luajtur sot ndaj Apolonisë në pallatin e sportit “Qaim Dervishi”, vajzat shkodrane kanë arritur një tjetër fitore shumë të thellë 118-9. Një diferencë prej 109 pikësh në favor të Vllaznisë që është për rekord “Guinnes”. Duket se ky ekip kërkon jo vetëm të fitojë ndaj të gjithë kundërshtarëve por edhe të arrijë rekorde si ky i sotmi.
© shkodrasport.com
