Barazimi i Tërbunit ndaj Albanëve nuk është përjetuar mirë në Pukë. Trajneri Sinan Bardhi për “Panorama Sport” u shpreh: “Nuk jam fare i kënaqur me barazimin ndaj Albanëve, pasi luajtën si amatorë dhe nuk treguan vlerat.
Tërbuni ka lojtarë me emër, që kanë luajtur në Kategorinë e Parë dhe Superiore, ndaj duhet të tregojnë veten. Bëmë disa zëvendësime në pjesën e dytë dhe loja ndryshoi ku shënuam edhe dy gola. Kemi për të luajtur edhe një ndeshje, ndaj Murlanit, ku patjetër duhet të marrim pikët e plota.
Pas kësaj ndeshje na presin sfidat e ‘play off’-it. Në rast se e kalojmë me sukses ndeshjen e parë të ‘play off’-it, do të kemi pas kësaj edhe dy finale.
Kam besim tek ekipi se do t’i kalojmë dhe ato takime me sukses. Do të luftojmë në çdo ndeshje për të fituar. Le të shpresojmë se edhe fati do të jetë me ne”.
