Vllaznia e nisi vitin 2021 me fitore në Superligë. Shkodranët mposhtën me rezultatin 1-0 Teutën duke I shkaktuar kështu humbjen e parë në kampionat skuadrës durrsake. I ftuar në emisionin “Fair Play”, trajneri i Vllaznisë, Thomas Brdariç u shpreh:
“Ne duhet të invesojmë shumë që të fitojmë. Dua të pranoj mendim e ekspertëve që shumë njerëz I ndjekin ndeshjet tona. Ne bëmë një pushim dhe që të gjithë duhet të futeshin në ritëm dhe përgatitjet për këtë ndeshje nuk ishte profesionale pasi infrastruktura nuk ishte në gjendjen e duhur. Luajtëm ndaj Teutës që nuk kishim humbur asnjëherë dhe në fund rezultat tregoi se ne e merituam fitoren.
Ne nuk e lamë Teutën të futej në lojë për 75 minuta dhe ishim më mirë edhe kur ishim me një lojtar më pak. Kishim shanse më të mirë se Teuta dhe për mua ishte një ndeshje e pastër dhe e merituam këtë 3 pikësh. Diferenca? Ne I marrim ndeshjet me radhë dhe kemi 23 ndeshje për të luajtur.
Që të gjithë e dijnë që nuk është një situatë e lehtë, po luajmë pa tifozë, por na mjafton pasioni. Kjo është puna ime që të mbush lojtarët me vetbesim dhe duam të luajmë në sulm dhe këtë kemi si parim e kjo dukej në fushë”./newsport/
