Skuadra shkodrane tani është më e fortë dhe prandaj do të kërkojmë ta nisim mbarë këtë vit. Kështu ka deklaruar trajneri i Vllaznisë Ernest Gjoka në konferencën e sotme për shtyp. Duke folur në lidhje me ballafaqimin e nesërm ndaj Kukësit, ai është shprehur: “Tashmë skuadra është bërë më solide. Kemi sjellë në skuadër disa lojtarë me eksperiencë dhe ato probleme që kishim në mbrojtje dhe në sulm i kemi sheshuar.
Duhet të shohim përpara. Kemi një ndeshje si ajo me Kukësin që na duhet me patjetër të japim gjithçka dhe të marrim gjithçka”. Ndërkohë i pyetur nëse do ishte i kënaqur edhe me një barazim ndaj kampionëve në fuqi të vendit, Gjoka është shprehur: “Sigurisht në lojë janë të tria rezultatet, ne tashmë nuk duhet të shohim asnjë rezultat në fushën tonë veç fitore. Sigurisht mund të jetë edhe barazimi brenda, por është shumë e rëndësishme që ne të kërkojmë dhe të japim gjithçka për të marrë gjithçka. Kjo është ajo që ne kemi ndërtuar dhe po e flasim edhe me futbollistët”.
© shkodrasport.com
